NEWALA DC YANUFAIKA NA JENGO LA UTAWALA,WATUMISHI

Posted on: March 18th, 2025

NEWALA DC YANUFAIKA NA JENGO LA UTAWALA,WATUMISHI WAPONGEZA UONGOZI WA RAIS SAMIA.

Watumishi wa umma Halmashauri ya  wilayani Newala wamepongeza jitihada za serikali ya Rais Samia Suluhu Hassan kwa kuwajengea jengo jipya la utawala lenye thamani ya shilingi BIlioni 2.75, hatua ambayo imerahisisha upatikanaji wa huduma kwa wananchi.

Kabla ya uwepo wa jengo hilo, ofisi za idara mbalimbali zilikuwa zilikuwa katika sehemu tofauti, hali iliyosababisha usumbufu kwa wananchi waliokuwa wakihitaji huduma tofauti.

Wakizungumza  kuhusu maendeleo  ya kipindi cha Miaka 4 ya uongozi wa Rais Samia, watumishi hao wa serikali wamesema kuwa ujenzi wa jengo hilo umewapa mazingira bora ya kazi na kuimarisha utoaji wa huduma.

 "Kwa kweli, tunaishukuru sana serikali ya Rais Samia Suluhu Hassan kwa kutujengea jengo hili la utawala. Zamani tulikuwa tunahangaika kutafuta huduma kwenye ofisi zilizotawanyika, lakini sasa ofisi zote zipo katika jengo moja. Hii imerahisisha sana utendaji kazi wetu na utoaji wa huduma kwa wananchi," walisema watumishi  Deoniz na Hadija.

Kwa upande wa Wananchi waliohojiwa nao wamefurahishwa na uwepo wa jengo hilo, wakisema kuwa limepunguza muda waliokuwa wakitumia kuhangaika kufuata huduma mbalimbali.

 Wamesema kuwa hatua hii inaonyesha namna serikali ya Rais Samia inavyothamini utawala bora na ustawi wa wananchi kwa kuweka mifumo bora ya utoaji wa huduma.

@ortamisemi

@mtwarars_habari

@msemajimkuuwaserikali

@maelezonews

@newalafmtz

@dc_newala

@kundya_mwangi