Idara ya maendeleo ya jamii ina lengo la kutoa huduma kwa jamii ili kuwezesha jumuiya kuunda, kupanga, kutekeleza na kufuatilia shughuli zao za maendeleo ya kiuchumi na kuwa na maendeleo endelevu. Pia kutoa ujuzi wa maendeleo ya jamii, usawa wa kijinsia na kiumri.
Majukumu ya Idara ya Maendeleo ya Jamii
Kupitia mbinu shirikishi kuiwezesha jamii kuanzisha miradi ya kijamii.
Kuelimisha viongozi wa serikali ya vijiji, dini na mashirika yasiyo ya kiserikali kuhusu sera mbalimbali za Wizara ya Afya, Maendeleo ya Jamii Jinsia Wazee na Watoto.
Kuwawezesha wananchi kupambana na mila zenye madhara kwa afya za wananchi hasa kwa wanawake na watoto wa kike, kuenea kwa virusi vya Ukimwi na magonjwa ya mlipuko.
Kutoa huduma kwa jamii kwa vipengele vya Ustawi wa Jamii na msaada wa kisaikolojia.
Kutoa elimu juu ya kupambana na Virusi vya Ukimwi (VVU) na ugonjwa wa Ukimwi pamoja na kutoa msaada kwa watu wanaoishi na virusi vya Ukimwi.
Kuwezesha na kuimarisha shughuli za mfuko wa wanawake na vijana kwa kuvipatia mkopo wa masharti nafuu kwa vikundi vya kiuchumi.
Kuratibu maadhimisho ya sherehe mbalimbali za kitaifa.
