Idara ya Elimu Msingi ina vitengo vinne ambavyo vinaongozwa na wakuu wa vitengo ambao wanamsaidia Afisa Elimu Msingi wa Halmashauri ya Wilaya ya Newala katika kutekeleza majukumu yake ya Idara ya kila siku. Vitengo hivyo ni Elimu ya watu wazima, Taaluma, Vifaa na Takwimu na Utamaduni.
Idara ya Elimu Msingi inafanya shughuli zake kwa kufuata sheria, kanuni, miongozo na taratibu zilizowekwa na TAMISEMI na Serikali kuu kwa lengo la kuhakikisha kuwa wanafunzi wanapata elimu bora ya msingi itakayowawezesha kufaulu mitihani yao na kumudu maisha yao ya kila siku katika nyanja mbalimbali.
Majukumu ya Idara ya Elimu Msingi
Kusimamia utoaji wa elimu katika shule za awali , msingi , elimu ya watu wazima na elimu maalum.
Kuinua kiwango cha ufaulu mwaka hadi mwaka na kufikia kiwango cha juu.
Kuboresha miundombinu katika shule kwa kushirikiana na wadau mbalimbali wa elimu
Kuhakikisha kuwa vifaa vya kufundishia na kujifunzia vinapatikana kwa lengo la kutoa elimu iliyo bora.
Kuwa kiungo kati ya Idara nyingine ndani ya Halmashauri katika utoaji wa elimu bora katika maswala ya afya, kilimo , maji, mazingira, ustawi wa maendeleo ya jamii.
Kushirikiana na Idara nyingine zinazomhudumia mwalimu kwa lengo la kuboresha utendaji kazi wa mwalimu.
