Idadi ya wakazi wa wilaya ya Newala imepata ukuaji mkubwa katika kipindi cha miaka kumi iliyopita. Wilaya ya Newala ilikuwa na watu 205,492 mwaka 2012 ikilinganishwa na wakazi 183,334 waliorodheshwa mwaka wa 2002 kwenye Sensa ya Idadi ya watu na makazi, na kusababisha ongezeko kubwa la watu 22,158 sawa na asilimia 12 wakati wa kipindi cha sensa. Wilaya ya Newala ina asilimia 16.2 ya jumla ya wakazi wote wa mkoa wa Mtwara.
Kabila kubwa lilopo Newala ni wamakonde. Wengi wa watu wa asili katika Wilaya ya Newala wana asili ya kibantu. Kundi kubwa zaidi ni wamakonde ambao ni asilimia 99 ya watu wote wa Newala. Kundi hili linafuatiwa na wamakua na wayao hasa kutoka Wilaya za karibu za Masasi na Nanyumbu.
