Shughuli za kiuchumi za Halmashauri ya Wilaya ya Newala ni pamoja na kilimo, viwanda na ujenzi. Kwa mujibu wa Sensa ya watu na makazi ya mwaka 2012, uchumi wa Halmashauri ya Wilaya ya Newala unaongozwa na sekta ya kilimo ambayo inaajiri zaidi ya asilimia 87 ya idadi ya wakazi wa Newala na inachangia asilimia 46.8 ya jumla ya pato la taifa ikilinganishwa na shughuli za viwanda na ujenzi ambazo zinachangia asilimia 5.4 ya jumla ya pato la Taifa kwa Mkoa wa Mtwara.
