Jukumu kubwa la kitengo hiki ni kusimamia masuala yote ya Habari na Mawasiliano ya Halmashauri halikadhalika kusimamia mifumo yote ya Halmashauri.
Kitengo hiki kimegawanyika katika sehemu kuu mbili ambazo ni:
Habari na uhusiano
TEHAMA
Majukumu ya Kitengo
Kuandaa miadi ya Mkurugenzi Mtendaji wa Halmashauri ya Wilaya ya Newala kukutana na kuongea na vyombo mbalimbali vya habari
Kutoa ufafanuzi kwa vyombo vya habari na jamii kwa masuala mbalimbali yanayohusiana na Halmashauri ya Wilaya ya Newala kwa kufuata maelekezo ya Mkurugenzi Mtendaji
Kuandaa machapisho mbalimbali kwa ajili ya kuhabarisha jamii kuhusiana na masuala mbalimbali ya Halmashauri (machapisho kama vile vipeperushi na majarida )
Kuandaa mkutano wa waandishi wa habari (Press Conference) baina ya Mkurugenzi Mtendaji na waandishi wa habari.
Kuratibu na kusimamia waandishi wa habari katika shughuli mbalimbali za Halmashauri kama vile mikutano ya baraza la madiwani, kutembelea miradi ya maendeleo.
Kuhakikisha tovuti ya Halmashauri ya Wilaya ya Newala inaandaliwa na inafanya kazi.
Kuhakikisha Halmashauri ya Wilaya ya Newala inasajili na kutumia barua pepe za serikali (Government Mailing System) kwa ajili ya kutuma na kupokea taarifa za kiserikali.
Kusimamia mawasiliano ya ndani na nje ya Halmashauri ya Wilaya ya Newala (Internal and External Communication)
Kusimamia Mifumo yote ya Halmashauri kwa kuhakikisha inafanya kazi ipasavyo
Kusimamia Matengenezo yote ya vifaa vya TEHAMA kwa kuhakikisha vifaa vyote vipo katika hali nzuri
