NEWALA DC YAKABIDHI LAPTOP 20 SHULE YA SEKONDARI MPOTOLA

Posted on: June 19th, 2024

Halmashauri ya wilaya ya Newala, imekabidhi LAPTOP 20 kwa shule ya sekondari Mpotola ikiwa ni msaada kutoka kampuni ya korosho LABDOO ya Nchini Ujerumani ili kusaidia Elimu ya TEHAMA kutokana na kasi ya ukuaji wa Teknolojia ya Habari na Mawasiliano.
 LAPTOP hizo zimekabidhiwa na Afisa Mipango II,Ndugu Nguche Nankutwanga,ambaye  pia ni Mratibu wa ushirikiano baina ya Halmashauri ya Wilaya ya Newala na Halmashauri ya Manispaa ya landsberg Am lench,kwa niaba ya Mkurugenzi ,katika hafla fupi iliyofanyika mwishoni mwa wiki mwaka huu.
 Namkutwanga amesema msaada huo wa Laptop umelenga kuwasaidia wanafunzi waweze kuzitumia kujifunzia na kwa ajili ya matumizi ya shule.
 Halmashauri ya wilaya ya Newala imeingia ushirikiano na Halmashauri ya Manispaa ya Landsberg Am Lenchi ya Nchini Ujerumani kwa lengo la Kuchochea uwekezaji,kuboresha sekta ya Afya na kukuza uchumi wa Halmashauri.
  Aidha ushirikiano huo  umeleta mafanikio ambapo Halmashauri ya Landsberg Am Lench ya Nchini Ujerumani imepanga  kufanya ukarabati wa vituo viwili vya Zahanati katika Halmashauri ya wilaya Newala ambavyo ni  Mtongwele na Idamnole, Jengo la mama na Mtoto kituo cha Afya Chihangu kwa Mwaka wa fedha 2023/2024 na uwekaji wa umeme Jua(Solar) kwa Mwaka 2025.