UTAMBULISHO WA MIRADI YA GPETSP

Posted on: September 20th, 2024

NEWALA,MTWARA

Miradi ya maendeleo yenye thamani ya shilingi milioni 183 itakayotekelezwa kupitia mradi wa program ya kuboresha kada ya Ualimu ( GPE TSP) imetambulishwa kwa Walimu Wakuu katika kikao kilichofanyika Septemba 19,2024 katika ukumbi Mdogo wa Halmashauri.

  Afisa Elimu Msingi Halmashauri ya wilaya ya Newala Ndugu Abraham Mwakibete amesema fedha hizo zitatumika  kujenga nyumba ya mwalimu Mtunguru B yenye thama ya shilingi  95,000,000, madarasa mawili shule ya msingi lihanga shilingi  48,000,000, Darasa Moja shule ya msingi Chiule shilingi  24,000,000 na matundu nane ya vyoo Shule ya msingi Hengapano shilingi 16,800,000.

Aidha Afisa elimu Mwakibete  amewataka mafundi ujenzi  na wakuu wa Shule kushirikiana kuhakikisha miradi hiyo inakamilika kwa wakati na kwa ubora unaokubalika ili kuendelea kuboresha sekta ya elimu  ndani ya Halmashauri ya Wilaya ya Newala

Kikao hicho kilihudhuriwa na Wakuu wa idara ya Mipango, Ukaguzi , Elimu , wahandisi, walimu wakuu wa shule za msingi na wataalamu wa Halmashauri