Mkutano wa baraza la wafanyakazi wafanyika Halmashaur ya Wilaya ya Newala

Posted on: February 5th, 2020

Mkutano wa baraza la wafanyakazi la Halmashauri ya Wilaya ya Newala limefanyika leo tarehe 05/02/2020 katika ukumbi wa mikutano wa chuo cha ualimu Kitangari.

Katika mkutano huo, wajumbe walipitisha rasimu ya bajeti ya Halmashauri ya Wilaya ya Newala kwa mwaka wa fedha 2020/2021 na kupitia na kuhuisha mkataba wa kuunda baraza la wafanyakazi.

Wakiendelea na mkutano huo, wajumbe walipata nafasi ya kuwachagua viongozi wawili katibu na katibu msaidizi ambapo Bi. Zuhura Kumatu alichaguliwa kuwa katibu na Bw. Abdallah Machacha alichaguliwa kuwa katibu msaidizi wa baraza la wafanyakazi la Halmashauri ya Wilaya ya Newala kwa miaka mitatu kuanzia mwaka  2020 hadi 2022.

Katika mijadala mbalimbali iliyofanyika kwenye mkutano huo, wajumbe walisisitiza kutilia mkazo katika upandishwaji wa madaraja kwa watumishi na kupewa thamani kwa watendaji wa vijiji na kata kwa kulipwa posho za kufanya kazi kwa saa za ziada kwa kuwa wao ndio walinzi wa amani katika maeneo yao ya kazi.

Mkutano huo baraza la wafanyakazi la Halmashauri ya Wilaya ya Newala upo kisheria na umehudhuriwa na Mkurugenzi mtendaji wa Halmashauri ya Wilaya ya Newala, wakuu wa idara na vitengo, wajumbe wa vyama vya wafanyakazi wa mkoa na wawakilishi wa vyama vya wafanyakazi vilivyopo kwenye Halmashauri ya Wilaya ya Newala.