KITENGO CHA MAZINGIRA NA TAKA NGUMU NEWALA DC CHAHAMASISHA WAFANYABIASHARA KUFANYA USAFI ENEO LA SOKO

Posted on: December 13th, 2024

Katika kuhakikisha usafi wa mazingira unazingatiwa na kuleta manadiliko chanya katika Jamii ,Kitengo cha Mazingira na taka ngumu Halmashauri ya Wilaya ya Newala leo Desemba 13,2024  kimeongoza zoezi la usafi eneo la soko kuu Kitangari kwa kushirikiana na Uongozi wa serikali ya Kijiji na wafanyabiashara.

Zoezi hilo la usafi limesimamiwa na Afisa Afya na  Mazingira  Bi. Merry Chilemba pamoja na Mwenyekiti wa serikali ya Kijiji cha Kitangari Ndugu Mohammed Ajari ambapo wamehamasisha wafanyabiashara kufanya usafi eneo la soko ili kuzuia milipuko ya magonjwa inayotokana na uchafuzi wa mazingira.

Bi Chilemba amesema mikakati yao ni kuendelea kutoa elimu kwa wananchi kuhusu umuhimu wa usafi, na kuweka mfumo wa kisheria wa kushirikiana na wadau mbalimbali.

Aidha  amesisitiza  kila mjasiriamali na mfanyabiashara katika Soko Kuu la kitangari anatunza mazingira yake, na pia  anatoa taka zake kwa njia bora na salama na kuzihifadhi katika maeneo yaliyoanishwa na serikali

Naye Mwenyekiti wa Serikali ya Kijiji Cha kitangari Ndugu Mohammed Ajari ametoa wito kwa wafanyabiasha kuhakikisha jukumu la usafi na utunzaji wa mazingira linakuwa la kila mmoja katika eneo la soko kuu.

Aidha amewaomba Wafanyabiashara hao kushirikiana na serikali ya kijiji katika kuhakikisha mazingira yanatunzwa vizuri.

"Serikali ya Kijiji itahakikisha kuwa vifaa vinavyohitajika  kwa ajili ya usafi, kama vile visanduku vya taka, vitakuwepo kwa wingi na vitatumiwa kwa manufaa ya Jamii ili Soko Kuu la kitangari liwe la mfano bora wa usafi wa mazingira" amesema Ajari.

@ortamisemi

@dc_newala

@newalafmtz

@wizara_afyatz

@mtwarars_habari