DC NEWALA APOKEA MSAADA WA KOMPYUTA 20 ZA WAZIRI WA ULINZI DKT STERGOMENA

Posted on: October 20th, 2024

NEWALA, MTWARA

Wilaya ya Newala Mkoa wa Mtwara, imepokea Kompyuta 20 kwa ajili ya shule ya Sekondari Nanda Newala DC na Shule ya Sekondari Tulindane iliyopo Newala TC ambapo kila shule imenufaika kompyuta 10.

  Mkuu wa Mkoa wa Mtwara Mhe.Kanali Patrick Sawala amekabidhi Kompyuta hizo Oktoba15,2024 kwa niaba ya Waziri Tax na kupokelewa na Mkuu wa wilaya ya Newala Alhaj Rajabu kundya ikiwa ni utekelezaji wa ahadi yake aliyotoa wakati alipofanya ziara Wilaya ya Newala Oktoba 8,2024.

 Kundya ametoa shukrani kwa Waziri Tax kwa kutekeleza ahadi yake kwa lengo la kuwasaidia wanafunzi kujifunza masomo ya TEHAMA

 Ikumbukwe kuwa Waziri Tax wakati akizindua shule ya Sekondari Nanda iliyopo Newala DC,Mbunge wa Jimbo la Newala Vijijini mhe Maimuna Mtanda alimuomba Waziri kusaidia shule hiyo Kompyuta kwa ajili wanafunzi kunifunza TEHAMA na Waziri alipokea maombi hayo na kuahidi kutoa kompyuta.

Aidha katika Mkoa wa Mtwara shule 3 zimenufaika na msaada wa Kompyuta ikiwemo shule ya Sekondari Saboodo ambayo imepata Kompyuta 10 na kufanya jumla ya Kompyuta 30 zilizotolewa na Waziri Tax.

Mhe Sawala amewasihi wakuu wa wilaya na wasaidizi wao kuhakikisha kompyuta hizo zinatunza vyema ili ziweze kuwasaidia wanafunzi kupata Maarifa mapya.