Ufugaji Nyuki

KITENGO CHA MALIASILI.

UTANGULIZI:

Kitengo cha Maliasili kinaundwa na Sehemu ya Nyuki, Wanyamapori na Misitu.

Nyuki:

Ufugaji wa Nyuki ni shughuli muhimu inayosaidia katika masuala ya uhifadhi Mazingira na kujiongezea kipato kwa jamii inayofuga. Shughuli za ufugaji Nyuki zinafanyika sana katika maeneo ya Tarafa ya chilangala kwa sababu ya uwepo wa Misitu aina ya Miombo na kutokuwa na shuguli za ulimaji wa zao la Korosho. Wilaya ina jumla ya Mizinga 1247 ambapo Mizinga 1020 ni ya kienyeji na Mizinga 227 ni ya kisasa.

Kiwango cha utoaji Asali kwa Mzinga Mmoja wa Kisasa ni Lita 10 – 15 na Nta Kilo 1 kwa Mzinga.

Wanyamapori:

Shughuli zinazofanywa na sehemu hii ni kulinda maisha ya Watu, Mazao shambani dhidi ya Wanyama wakali na waharibifu.

Wilaya haina maeneo ya hifadhi au uwindaji wa Wanyamapori. Wanyama wanaopatikana ni Fisi, chui, Nyani, Fungo, Mbweha na Wadudu watambao mfano Nyoka wa aina mbalimbali. Nyuki hupatikana mara chache hasa kipindi cha kiangazi wanapotoka katika maeneo ya hifadhi Nchi jirani ya Msumbiji na Mapori ya akiba Lukwika Masasi.

Linapotokea tatizo la kuwepo kwa Wanyama waharibifu au kutishia maisha ya jamii, Afisa Wanyamapori huchukua jukumu la kumuondoa  Mnyama husika katika eneo analosababisha usumbufu kwa njia za kitaalam.

Vilevile Kakakuona huonekena katika maeneo ya Makazi ya watu mara kwa mara na jukumu la kumrudisha porini hufanyika.

Misitu:

Misitu inayopatikana  ni aina ya Miombo ipo katika Maporomoko ya Milima Makonde. Vijiji 10 vilitenga maeneo kwa ajili ya Misitu ya vijiji ambayo itawawezesha kupata huduma za Kuni, Madawa ya Miti n.k.

Katika tarafa ya Chilangala upo Msitu wa Halmashauri ndani ya Maporomoko ya Milima Makonde wenye Ukubwa wa 3565 ha.

Jedwali kuonyesha Ukubwa wa maeneo ya Misitu na Vijiji.

Changamoto.

Ukataji Miti usiozingatia upandaji.

UTATUZI WA CHANGAMOTO.

Uwepo wa Kampeni ya Upandaji Miti Msimu wa Mvua.

Utoaji Elimu juu ya uanzishaji wa Mashamba ya Miti.

Matumizi ya Sheria ya Misitu ya Mwaka 2002 na Sheria ndogo za Halmashauri.